《越前 加藤義實 -- 積層SG2粉末鋼 三德刀》

曾經有一段時間店長經常入貨三德刀款，原因係三德外型十分討喜，好多時都會encourage到好多怕刀既人嘗試開始用刀。而功能上180mm三德都係非常之全面，任何人拎起都可以輕鬆切野，而對熟練刀手來講更加係一把懶人刀 -- 如果你有響youtube睇過Gordon Ramsay點樣將一把wusthof三德用到識飛咁滯，就可以體會到三德刀係幾咁老少咸宜。

不過近一年因為切付/劍型刀尖大行其道，市面上有特色的三德刀就好似曝光少左，俾人一種平平無奇的感覺。但舉凡物極必反，大家又會唔會頓覺對切付美感疲勞，望返一支做得靚靚既三德反而有種返璞歸真既順眼感覺呢？越前鍛造

SG2粉末鋼大馬士革鋼套在一把三德刀上，奢華而不高調；甚至刀身的銘刻都係留神先睇得到。

無他的，人有左年紀至會明白到品味應該係做俾自己睇，但又希望有人不經意發現 ....